تعليق زغير

مرحبا أنا حابة أعطي رأيي بموضوع فصل الشباب عن البنات وخاصة بمدرسة نديم رسلان
لأنو نحنا البنات بقينا بالمدرسة والشباب نقلون للمجمع وجابو بنات أنور قاسم لعنا وفوتو الدنيي ببعضها
ونص الأساتذة راحو عالمجمع يعني لا نحنا ولا الشباب صار عنا أساتذة بيكفي وخاصة الشباب
لسه ما دخلو عالمدرسة هيدا غير انو السنة الماضية كانو البنات يخجلو بوجود الشباب والشباب كانو كمان يخجلو بوجودنا كمان نقلو شباب المعلوماتية على مدرسة الفنون اللي جنب مدرستنا وصارو يوقفو الشباب عالصرفة متل النمل عدا عن انو نحنا من طول عمرنا متعودين على وجود الشباب معنا وكانو كتار منن متل اخولتنا وأعز ولو انن بقيو معنا ماكانو اضطرو يهربو من المجمع او حتى ما يداومو ابداً كرمال يشوفونا اخر الدوام واولو بعدين لمل رح ينقلو البنات عالمجمعات اللي بيقدر يحط بنتو بالمعهد رح يحطها واللي ما بيقدر رح ياكل هوا يا اما رح تنحرم بنتو الدراسة , كمان طلاب البكالوريا يا حرام لسة ما ابتدو بالدروس ولسه عدد الاساتذة ما ااكتمل والسنة الجاي رح يصير نفس الشي بالبنات لما رح ينقلون عالمجمع
واخر الشي اللي بيخالفني بالراي أو عندو أي شي يقولو ياريت يقول رأيو وبسرعة

مرحبا انا جديدة و كمان حابة اعطي رأي بالموضوع

مرحبا أنا بشكرك عطرح هالفكره المهمه
انا معك بكل كلمة قلتيها حتى انو هالموضوع ممكن ياثر على دراستنا فعلا بس اللي بدو يدرس بيدبر حالو وبياقلم حالو مع هالمتغيرات الجديده الغليظه فعلا صحيح كتير من الطلاب رح يتعذبوا وياكلوا هوى بس برايي انو الصداقه ما بتوقف عند اللقاء اليومي بظن انو يمكن نحس بشوق كبير لايامنا مع اصدقائنا واخوتنا من الشباب ...وبكون مبسوطة وقت اللي بيرجعوا بيسالوا عنا ومنعود منجتمع في لقاءات ونقاشات ورحلات بيناتنا ...وهي رسالة صغيرة لجميع أصدقائي و لجميع الأصدقاء والصديقات في هذة الحياة
أقول في الحياة ذكريات وفي الذكريات حياة ,فإن فرقتنا الحياة جمعتنا الذكريات)...

مرحبا أنا بحترم رأيك كتيير بس ما بصير تاخدي فكرة سيئة عن بنات أنور قاسم بدون ما تتعرفي علين ونحنا كمان مزعوجين لأنو ما تأقلمنا على الوضع .
بالنسبة لفصل الشباب عن البنات بوافقك برأيك .
بتمنى أنو تتعرفي على كم بنت من بنات أنور قاسم بالشعبة الثانية وبعدين حكمي علين .
بدي إسألك سؤال كيف نحنا فوتنا الدني ببعضا؟