بيحكوا عن واحد فلاح مشهور بقوة زندو
ميسور ورزقاتو مناح من شو ما بدك عندو
من جملة ما عندو دب مدلل ترباية ايدو
بتقول عنو دب محب بيموت بطاعة سيدو
مره صاحبنا الفلاح حيد ع الحقله يرتاح
قيل تحت الصفصافه ويروح مبنج غافي
دبانه وقحة بتغط وبتتمترس ع خدو
بيلمحها الدب وبينط بيمتع صخره من حدو
وبيضرب ضربة جبار الدبانه طارت تخمين
بتقول الخبريه وطار راس الفلاح المسكين
يامـــــــــا عندك ناس بتحب وبتدافع ع العمياني
عن صاحبها متل الدب الحب يكش الدبانه